တစ်ဦးတည်းသောချစ်သူ

သူမကလည်းကျွန်တော်

ကျွန်တော်ကလည်းသူမ

ခွဲခြားပြီးမြင်လို့မရတဲ့ ရင်ဘတ်နှစ်ခုအတွက်

သူမရဲ့အရိပ်အဖြစ်ဘေးနားမှာရှိနေပေးခဲ့တယ် ။

ကျွန်တော့်ဘ၀က သူမဖြစ်သလို

သူမဘ၀အတွက်လည်းကျွန်တော်အဆင်သင့်ဖြစ်နေပေးခဲ့တယ်။

လိုအပ်တာထက်ပုံမှန်မဟုတ်တဲ့ အချစ်တွေအတွက်

ကျွန်တော့်မှာဖွဲ့နွဲ့စရာမဲ့နေခဲ့ပြီ။

ကျွန်တော်ပြောမထွက်ခဲ့ပါဘူး

မပြောရက်ခဲ့ပါဘူး

ကျွန်တော်ပြောလိုက်တဲ့စကားလုံးတိုင်းဟာ

ကျွန်တော်တို့နှစ်ယောက်ချစ်ခြင်းအတွက် 

မလုံလောက်ခဲ့ဘူး ..။ 

ကျွန်တော်ဘယ်လောက်ချစ်တယ်ဆိုတာပြောဖို့ 

စကားလုံးရှာမရသလို ..

သူမအချစ်တွေအတွက်လည်း

နှိုင်းယှဉ်စရာမဲ့နေခဲ့တယ်

သွေးစက် ...

ရာဇ၀င်ထဲက ရာဇ၀င်

လေးတင်ပွဲမှာ အရေးနိမ့်ခဲ့ရုံမက ချစ်သူကိုပါလက်လွတ်ခဲ့ရတဲ့ ဒဿ

မိမိအလိုရှိရာကို ပြန်လည်ရယူနိုင်ရုံသာမက ရန်သူကိုပါ အနိုင်ပိုင်းခဲ့တဲ့ ရာမ

ချစ်နေပါလျှက် မြိုသိပ်ပြီး အကိုဖြစ်သူအတွက်မြိုသိပ်ပေးခဲ့တဲ့လက္ခဏာ

ဒီသုံးယောက်ကြားမှာ

မယ်သီတာ အကောင်းဆုံးလုပ်ဆောင်ပေးသွားတာက

သစ္စာစောင့်သိခြင်း

ကျွန်တော် နဲ့ ဒီဇင်ဘာ ...

ရောက်လာပြန်ပေါ့ ဒီဇင်ဘာ ...

2004 ဒီဇင်ဘာ 29 ရက်နေ့မှာ ကျွန်တော် ဒဏ်ရာတစ်ခုရခဲ့တယ်

နောက်ထပ် ခုနှစ် နှစ် အကြာ

29.12.2011 မှာဒဏ်ရာအသစ်တစ်ခုထပ်တိုးခဲ့တယ်

အခုလည်း ဒီဇင်ဘာ ရောက်ဖို့ နှစ်ရက်အလိုမှာ 

ကျွန်တော့်စိတ်ထဲ ဒဏ်ရာအသစ်တစ်ခုထပ်တိုးပြန်တယ်

မုန်းရပြန်ပေါ့ ဒီဇင်ဘာ ....

29.11.2012

"ဆုံချိန်"

အသစ် အသစ် တွေရဲ့
မနှစ်မြို့ စရာတွေကြား
ဈေးခြင်းတောင်းလေး ခေါင်းပေါ်ရွက်လို့
နို့ဘူးလေးကို ချီပိုးရင်း
လမ်းတကာလှည့်
လွမ်းရေးထက် ၀မ်းရေးခက်တဲ့ဘ၀........။
နေညိုချိန် ဆို
ဆန်ဖိုးလေးကို ကျစ်ကျစ်ပါအောင်ဆုပ်ပြီး
နဖူးပြင်ပေါ်က မြစ်ဖျားခံတဲ့
မြစ်လက်တက်လေးတွေ.....ပါးပြင်ထက်က နွမ်းလျလျသနပ်ခါးလေးပေါ်
စီးဆင်းသွားပုံများ.......
နွေပါ ပြိုဆင်းကျသွားတယ်။။။။။

နေလုံးကြီး အိမ်နောက်ဖေးလမ်းထဲပြုတ်ကျချိန်ကျမှ
ယိုင်နဲ့နဲ့ အိမ်လေးပေါ်ပြေးတက်ခွင့်ရတဲ့ ဈေးခြင်းတောင်းလေးအတွက်
ရေကြည်တစ်ပေါက်ဟာ
လည်ချောင်းလေး တစ်လျှောက်
cat walk လျှောက်မှ
အသံအိုးလေး နဲ့
နီစပ်စပ်အသားလေး ခဏတာအနားရတယ်။။။။။။

မကြာပါဘူး.....
လမ်းထိပ်ကကျောင်းဆင်းခေါင်းလောင်းသံလေး ဆုံးလို့
လွယ်အိတ်လေးလဲ.......အမောတကာနဲ့
ဈေးခြင်းတောင်းလေးရင်ခွင်ထဲ
ပြေးဝင်ချိန်မှာ......
ပုခက်ထဲရောက်တဲ့  နို့ဘူးလေးက
ဆည်းလည်းသံလေးနှယ်
ခိုးခိုးခစ်ခစ် ထရယ်တယ်.......။

ဒီချိန်ဆို.....
ချွေးတလုံးလုံးနဲ့
"ကလင် ကလင်"သံပေး
လှုပ်လီလှုပ်လဲ့ ဆိုက်ကားလေးလဲ
အရက်ပုလင်းဆွဲရင်း........အိမ်ဝိုင်းလေးထဲ ၀င်လာနေပြီ။

မကြာခင်....
ထင်းရှူးသေတ္တာပေါ်က ထမင်းဝိုင်းလေးမှာ
ငါတို့အားလုံး........
ငပိရည်နဲ့ လက်တွဲလို့
ဘဲဥတိုက်ပွဲ ၀င်ကြမယ်။။။။။။။။                          
                                                             26.11.12
                                                                 MS

"အိမ်လွမ်းဌ က်ငယ်"

ရေကြည်လေး တစ်ပေါက်စာအတွက်
ထမင်းဝိုင်းလေး ၀မ်းမီးငြိမ်းအောင်
မိတ်ကပ်ဖွေးဖွေးလေးလိမ်း
တိုနံ့နံ့ စကပ်ပါးလေးနဲ့
အိတ်ကပ်ထဲက အပြုံးလေးကို နှုတ်ခမ်းပါးထက် မြန်းပြီး
ညအခါ လကွယ်ခဲ့ရတဲ့ ဘ၀
အများခေါ်တဲ့ တို့နာမည်က"ညဥ့်ဌက်လေး" တဲ့။။။။။။။။။

ညဌက်ကလေး နမ်းတဲ့ပန်းဟာ
မလန်းပေမဲ့......
ဘ၀နွမ်းနွမ်းထဲက ငွေကြေးတွန့်ကြေကြေတွေဟာ
အမေတို့အတွက် ထမင်းစားလက်မှတ်လေး ဖူလုံမှာပါရှင်။

""အမေ နေကောင်းရဲ့လား""
သမီးဖုန်းမှန်မှန် မဆက်တာ........
သမီးအိပ်ချိန်လေးတွေ တိတ်တိတ်လေး ခိုးရောင်းထုတ်နေရလို့ပါ အမေ။။။။
ညီမလေးနဲ့ မောင်လေးရော
ကျောင်းစာတွေ လိုက်နိုင်ကြရဲ့လား........
သူတို့လေးတွေ ပညာတတ်ကြီး ဖြစ်ရင်
တစ်လောကလုံးမှာ သမီးအပျော်ဆုံးဖြစ်မှာ.........အမေရဲ့။

အမ...မသင်လိုက်ရတဲ့ ကျောင်းစာလေးတွေသင်ဖို့   
ညီမလေးတို့ဆီ.....
အမရဲ့နေမ၀င်ခင်အချိန်လေးမှာ ပြန်ခဲ့မယ်။။။။။
အမတတ်တဲ့ ဘ၀စာမျက်နှာတွေကိုတော့
မြို့ပြရဲ့ ညအခါလသာသာထဲက ညတေးသွားလေးအဖြစ်
ကမ်းနံဘေး မှေးတင်ချန်ခဲ့တော့မယ်ကွယ်.....။

အမေရေ......မောင်လေးရှင်ပြုဖို့
သမီးငွေစုပြည့်ရင် ပြန်လာခဲ့ပါ့မယ်။။။
အဖေ့အတွက်လဲ ကောင်းမှုပြုအမျှဝေ ချင်တယ်....
သမီးတို့ မိသားစုလေးရဲ့ အပျော်တွေ မဝေးတော့ဘူး ထင်တယ်နော် ။။။။

အမေရေ.....
မနက်အိပ်ရာဝင်တိုင်း
သမီးငိုတယ်..သိလား
သမီးတို့ အိမ်ယိုင်ယိုင်လေးကို လွမ်းလို့လေ။။။။။။။
                                                                        ၂၀.၁၁.၁၂
                                                                           MS

                                                                                  
                                                      

မသီတာသို့ ပြောလိုသည်မှာ

တစ်ခုတော့ပြောချင်သေးတယ် မသီတာ...........
အချစ်တစ်ခုကို ဖန်တီးဖို့ ရိုးသားတဲ့နှလုံးသားတစ်ခုကို ကျွန်တော် အရင်းပြုခဲ့ရတယ်ဆိုတာကိုပေါ့.....။ ဒါတွေက နားလည်ရတာခက်ရင်လဲ ခက်ပါလိမ့်မယ်.....။ အပေါ်ယံ အတုအယောင်တွေမဟုတ်ပဲ ရင်ဘက်ထဲက သံစဉ်တွေကြွေကျလာတဲ့ အခါ အချစ်ဆိုတာက တကယ်တမ်းလေးနက်သွားခဲ့တယ်....။ ပေါ့ပေါ့ပါးပါးလေးခံစားရင်း မသိမသာနက်နဲလာခဲ့တာပါ....။ အချစ်ဆိုတာက သိမ်မွေ့လွန်းပါတယ်...။ နူးညံ့မှုဆိုတာ ကိုင်တွယ်ထိတွေ့ခွင့်ရှိပေမယ့် အချစ်တစ်ခုရဲ့ သိမ်မွေ့မှုဟာ အကောင်အထည်ရယ်လို့ မရှိခဲ့ပါဘူး....။ တကယ်ကိုပဲ ကျွန်တော်ပြောသမျှဟာ နားလည်ရ ခက်ခဲ လွန်းပါတယ်..... မသီတာ......။ အဆင်ပြေသလောက်ပဲ   လေးလေးနက်နက်လေး ခံစားကြည့်ပေါ့..............။

------------------------------------------------------

တစ်ခုတော့ပြောချင်သေးတယ် မသီတာ............
ယောကျာ်း တစ်ယောက်ရဲ့ မာနဆိုတာက ပျောက်ပျက်လွယ်ရအောင်  ခဲတစ်လုံး ရေထဲကျသွားတဲ့အခါ ပေါ်ပေါက်လာတဲ့ရေပွက်တစ်ခု မှမဟုတ်တာပဲ မသီတာရယ်.....။ ဟိုးငယ်ငယ်ထဲက တယုတယ ပြုစုခဲ့တဲ့ အတ္တ တစ်ခုပဲလေ....။ လူတစ်ယောက်ကို တစ်ယောက်ကမဲ့ပြတဲ့အခါ မဲ့ခံရတဲ့တစ်ယောက်က မဲ့နေလို့တော့ ဘယ်ဇာတ်လမ်းဆုံးလိမ့်မလဲ...။ ဒါကြောင့်ပဲ ရိုးရိုးသားသားနဲ့ ကျွန်တော် မသိကျိုးကျွံပြုခဲ့တာပေါ့......။ ဒါပေမယ့် မသီတာရယ်.....  ကျွန်တော့်မှာလဲ ယောကျာ်းမာန ဆိုတဲ့ မွေးရာပါ ဖြူစင်သော သူတစ်ပါးကို မထိခိုက်စေတဲ့ အတ္တအလွှာပါးလေးက ရှိနေပြန်တော့ လှောင်ရယ်သံတွေကို သိပ်မခံချင်ဘူးဗျာ....။ ဒါကပဲ ကျွန်တော့်ကို ကာကွယ်ထားတဲ့ ရင်တွင်းဖြစ် ဖြူစင်မှုတစ်ခုပေါ့.....။ ကျွန်တော်ရိုးသားစွာ နှလုံးသားနဲ့ ချစ်သလို ပြန်ချစ်ပါစေလို့တော့မျှော်လင့်တာပေါ့......။ စိတ်ထဲကတော့ သိတယ်.....။ အဲ့သည့်အိပ်မက်တွေကို မြေမြုပ်ပစ်သင့်ပြီးဆိုတာကိုပေါ့........။

------------------------------------------------------

တစ်ခုတော့ပြောချင်သေးတယ် မသီတာ.........
ဥပေက္ခာပြုခံရတာလား ပစ်ပယ်ခံရတာလား မသေချာပေမယ့် တစ်စုံတစ်ခုသော ဝေဒနာက ရင်ထဲကို လေးနက်စွာ ထိပါးလာခဲ့တယ်.........။ ကျွန်တော်ရိုးသားခဲ့ပါရက် ကျွန်တော့်အပေါ်ကို မရိုးမသားတော့မပြုကြပါနဲ့ဗျာ.....။ အချစ်ကို ယုံကြည်ကိုးစားတတ်တဲ့ လူတစ်ယောက်မဟုတ်ပေမယ့် မသီတာရယ်...... ကျွန်တော့်ဘ၀ကို အချစ်ဆိုတဲ့အရာနဲ့ ထုံမွှန်းထားတာပေါ့......။ တခမ်းတနားအချစ်ဆိုသောအားများနဲ့ တည်ဆောက်ခဲ့တာပေါ့....။ ကျွန်တော့်ရဲ့ အချစ်မှာ မျှော်လင့်ချက်တွေ ရပ်တည်တယ်....။ အချစ်တစ်ခု ကိုချိုးဖျက်ခံလိုက်ရတဲ့ အခါတိုင်း  မျှော်လင့်ချက် တစ်ခုစီ ကျိုးပဲ့သွားတတ်တယ် ဆိုတာကိုတော့ သတိပြုစေချင်သေးတယ်....... ချစ်ရပါသော မသီတာရယ်....။ အလေးအနက်ထားပါလို့ တော့မပြောလိုပါဘူး တစ်ခုပဲ လေးလေးနက်နက်နားထောင်ပေးပါ....။ လေးနက်တဲ့ ကျွန်တော့်အချစ်ကို တစ်ဆိတ် တန်ဖိုးထားပေးပါ.....။ ရိုးသားတဲ့အချစ်တစ်ခုမို့လို့ပေါ.............။

------------------------------------------------------

တစ်ခုတော့ပြောချင်သေးတယ် မသီတာ...........
ရဲလေးရဲ့ ဟိုသီချင်းထဲကလိုပဲပေါ့ဗျာ....။ “ အချစ်တစ်ခုကိုတည်ဆောက် ရူးမိုက်ခဲ့ငါ့ရဲ့ချစ်ခြင်း ငါ့အတွက်တော့အပြစ်မကင်း မင်းစိတ်ထဲမှာရော ငါရှိနေလားပြော ”  ဒီစာသားလေးတွေက တွေးကြည့်ရင်  အရမ်းလေးလွန်းတယ်ဗျာ....။ ကျွန်တော်က ကျွန်တော်ယုံကြည်တဲ့အချစ်တစ်ခုကို ရူးမိုက်စွာ တည်ဆောက်ခဲ့ပေမယ့် မသီတာရယ်....... မသီတာရဲ့ စိတ်ထဲမှာရော ကျွန်တော်ဆိုတဲ့ အလေအလွှင့် ဖုန်တစ်ပွင့်က မသိမသာတောင် ကပ်ငြိခွင့် ရှိခဲ့ရဲ့လား......။ မေးခွန်းတိုင်းအတွက်အဖြေရှိရင် ဒီစကားတွေကပဲ အဖြေတွေဖြစ်ကြလိမ့်မယ်ထင်ပါရဲ့........။ သွားတိုင်းသာပြန်လို့ရခဲ့ရင်တောင် ကျွန်တော်က ဒီနေရာကနေဘယ်ကိုမှမပြန်တော့ဘူး မသီတာရေ..........။ အဲ့လိုလဲ ကျွန်တော်က တစ်ခါတစ်ခါ ရူးသွပ်မိပြန်ရဲ့ကွယ်....။ စမ်းတ၀ါးဝါးနဲ့ အချစ်ဆိုတာကို တယုတယနဲ့ ရူးမိုက်စွာပြုစုရင်း နောက်ဆုံးသော အဆုံးသတ်ဟာ ဥပေက္ခာတွေ...... ပစ်ပယ်ခံရခြင်းတွေလား....... မသေချာသော မရေမရာစကားထာတွေပဲလား....... မသီတာ......။

ဟုတ်လိမ့်မယ် မသီတာ.......။ နားလည်ဖို့ကတော့ ခက်လိမ့်မယ်....။ ဒါပေမယ့် ဒီနေရာမှာပဲ မသီတာအတွက် ကျွန်တော့်ရဲ့ မှာတမ်းက အဆုံးသတ်တယ်....။ ဖြေရှင်းချက်တစ်စုံတစ်ရာက အလင်းမဲ့လျက်ပေါ့.............။ 

{လေတံခွန်}

ကျွန်တော် မဟုတ်သော ကျွန်တော်

သွေး

မယုံကြည်နိုင်လောက်အောင်
ပျော့ညံ့လွန်းတဲ့ သွေး ....

မထင်မှတ်ထားရအောင်ကို
ရူးသွပ်နေတဲ့ သွေး ....

စိတ်ခံစားမှုတွေကို ဖြစ်သလို
စာစီတက်တဲ့ သွေး ....

စိတ်ရဲ့မကြည်လင်မှုတွေကို
ချိုးနှိမ်ထားရတဲ့ သွေး ....

သူတစ်ပါးပျော်ရွှင်ဖို့အတွက်
အရာရာပေးဆပ်ထားရတဲ့ သွေး ....

ကိုယ်လုပ်ချင်တာလုပ်တက်တယ်ဆိုပေမယ်
တစ်ခါတစ်လေ အရမ်းတွေဝေတက်တဲ့ သွေး ....

တစ်ခါတစ်လေ အရမ်းတွေဝေတက်တယ်ဆိုပေမယ်
တစ်ခုတည်းသောအဖြစ်အပျက်မှာ ပြတ်သားခဲ့တဲ့
ကျွန်တော် သွေး ....

ဟုတ်ပါတယ် ကျွန်တော့်နာမည်သွေးပါ
သွေးစက်ဆိုတဲ့ ဘ၀တစ်ခုထဲ
သွေးဆိုတဲ့ ကျွန်တော်ဘ၀ကို ပစ်သွင်းလိုက်တဲ့
တစ်ခဏမှာ
အရာရာဟာ ပြောင်းပြန်အချိုးကျသွားခဲ့တာကြာခဲ့ပြီ။
အချစ်ဟာ ဘ၀မဟုတ်ပေမယ့်
ဘ၀ထဲမှာ အချစ်ဟာ အစိတ်အပိုင်းတော်တော်များများကို
လွှမ်းမိုးထားတာပဲလေ ....။

ဒီလိုပါပဲ
သွေးစက်ဆိုတာဟာလည်း
သွေးဘ၀ထဲက တစ်စက် သော သွေး မဟုတ်လား ....။

အဖြည့်ခံ ... ရင်ဘတ်

မှင်သေသေ အသက်မဲ့လွန်းတဲ့
အကြည့်နဲ့
ဘယ်လို မျက်ဝန်းမျိုးလဲ ။

အသွားအပြန် အနှောင့်အသွား မလွတ်တဲ့
ပြောဆိုမှုတွေက
ဘယ်လိုစကားလုံးတွေလဲ ။

ညီညာမှုမရှိပဲ ဖြစ်သလိုရွေ့လျှားနေတဲ့
ခြေထောက်တစ်စုံနဲ့
ဘယ်လိုခြေလှမ်းတွေလဲ ။

စည်းချက်မညီတဲ့ သံစဉ်တွေ
တီးခတ်နေတဲ့
ဘယ်လိုရင်ဘတ်ကြီးလဲ ။

ဒီလိုနဲ့ပဲ ...
ကျောခိုင်းသွားတော့မှာလား ။

စည်းချက်မညီ ပေမယ့်
ဆက်လက်တီးခတ်နေတဲ့
ရင်ခုန်သံတွေ

ဒီလိုနဲ့ပဲ ဒီရင်ကိုခွဲပေးရမှာပေါ့
နောက်ဆုံး
အသက်မပါလှတဲ့အပြုံးတစ်ခုနဲ့
အချစ်မပါတဲ့ သံယောဇဉ်တစ်ခု
ဘယ်လိုနှလုံးသားမျိုးလဲ ။

အဖြေရှာဖို့တော့ ခက်ခဲနေဆဲ
ခံစားကြည့်ရင်သိနိုင်ပေမယ့်
ခံစားချက်မဲ့လွန်းနေခဲ့တယ်

နောက်ဆုံးတော့လည်း
ကျေကျေနပ်နပ်ကြီး
ခွဲပေးခဲ့တဲ့
ငါ့ရင်ဘတ်ကြီးသာ အဖတ်တင်ခဲ့တယ် ။

ထပ်တူကျနှုတ်ခမ်းတစ်စုံ

ငါ့နှုတ်ခမ်းပေါ်က

ထပ်တူကျနေတဲ့

နှုတ်ခမ်းတစ်စုံကို

အရသာခံကြည့်တဲ့အခါ

အစိမ်းသက်သက်ဖြစ်နေတယ်

ခံစားချက်မဲ့လွန်းနေတာလား

မင်သက်နေခဲ့တာလား

ငါကိုယ်တိုင်ဝေခွဲမရတဲ့အချိန်မှာ

အိပ်မက်ထဲက ငါ ပြုတ်ကျခဲ့တယ်

လက်ရှိလောကထဲမှာ

ယောင်လည်လည်နဲ့

ဧရာဝတီမြစ်ကြီးခမ်းခြောက်သလိုမျိုး

ငါ့လည်ချောင်းတစ်လျှောက်ခြောက်သွေ့လွန်းနေတယ်

ပိုင်ရှင်မဲ့နှုတ်ခမ်းတစ်စုံကို

ကြိုးတပ်ပြီးလိုရာဆွဲခေါ်နိုင်ခဲ့လေသူ ...

သူမ ဘယ်သူလဲ ....

အညိုရောင်မျက်ဝန်းကတစ်ဆင့်သူမအကြောင်း မသိခဲ့ရဘူး

ပန်းနုရောင်နှုတ်ခမ်းကနေ သူမစကားသံတွေထွက်မလာခဲ့ဘူး

သေချာတာက

သူမလည်းမင်သက်နေခဲ့လေပြီ... ။


ထပ်

တူ

ကျ

တဲ့

နှုတ်

ခမ်း

တစ်

စုံ