အမေ့ရဲ့ ရင်ငွေ့နွေးနွေးထဲ
ခိုလုံခွင့် ရတဲ့ ဘ၀ရဲ့ စာမျက်နှာသစ်မှာ
အဖေ့ရဲ့ တီတီတာတာ ချော့မြူမှုအောက်
မပီကလာ အူဝဲအသံလေး အစပြုချိန်
လောကကြီးက
ကိုယ့်ဆီ မျက်စောင်းတခဲခဲနဲ့.......အသော့နှင်လာတယ်။
သူ့ကို ကြောက်တာနဲ့ပဲ
အဲဒီမှာ ကိုယ်စငို ဖြစ်တယ်။
ကိုယ့်ရဲ့ နှလုံးသားလေး
ပုခက်နဲ့ မဆန့်တော့တဲ့ အရွယ်
သစ်ရွက်လေးလှုပ်တာကို
ရယ်သံ လေးနဲ့နိဒါန်းပျိုး
နတ်သမီးလေး ဖန်ဆင်းတဲ့
ဌက်ကလေးနဲ့မနက်ခင်း......အိပ်မက်
မပြီးဆုံးခင် ကိုယ်လန့်နိုး
ရင်ခုန်သံလေး "ဖုတ်ကနဲ"ကြွေ
အလွမ်းခရီးလေး အစပြုချိန်
လောကကြီးက
ကိုယ့်ဆီ မျက်စောင်းတခဲခဲနဲ့.......အသော့နှင်လာတယ်။
သူ့ကို ကြောက်တာနဲ့ပဲ
အဲဒီမှာ ကိုယ် ဒုတိယမ္ပိငိုဖြစ်ခဲ့တယ်။
အတွေ့လေးတွေလဲ ကြုံခဲ့
လမ်းကြုံလေးတွေနဲ့လဲ တွေ့ခဲ့ပြီး
ထမင်းစားသက်လေးလဲ ရလာတော့
အစားတစ်လုပ်ကို တစ်ဝက်လျှော့
ဥပုသ်ရက်မှာ ပုတီးလေးနဲ့
တီးတိုးစကားပြောရင်း
တရားသံလေး အစပြုချိန်
လောကကြီးက
ကိုယ့်ဆီ မျက်စောင်းတခဲခဲနဲ့.......အသော့နှင်လာတယ်။
သူ့ကို ကြောက်တာနဲ့ပဲ
အဲဒီမှာ ကိုယ် တတိယမ္ပိငိုဖြစ်သေးတယ်။
အဲဒီနောက်တော့.......
မနက်ဖြန်တိုင်းမှာ....မပြည့်မစုံနဲ့
တဖြည်းဖြည်း
ပြုံး
တတ်
လာ
ခဲ့တယ်....။။။။။။။။။။
၆.၁၁.၁၂
MS
Posts
No comments:
Post a Comment